طبخ صحي / اسرار الطبخة المظبوطة

نصائح مهمة هتظبط طبخك

نصائح لتسوية الطعام في وقت أقل 

1 . لو مطلعة فراخ من الفريزر وعوزاها تفك بسرعة🐔  حطي الفرخة في ماية من الحنفية ودوبي فيها معلقتين كبار ملح هتفك اسرع🙌

2 . اخلطي علي البقسماط معلقة نشا ومعلقة بيكنج بودر لو هتقلى فراخ بانيه او اسكلوب وشوفى القرمشه🐓🐓

3 . لو هتسلقي بطاطس وعوزاها تتسلق بسرعة وتوفري الغاز قشريها وقطعيها مكعبات هتتسلق اسرع وهتبقي مستوية كويس وقوامها كريمي

4 . حطي في ماية سلق البيض ملح هيتسلق اسرع 🙌

5 . لو هتقلي حاجة بتشرب الزيت زي بتنجان🍆 او سمبوسة.... رشى على البتنجان رشة دقيق والسمبوسة بعد ما تقغليها اغمسيها فى لبن .. 

هتقلل شوية من شرب الاكل للزيت اثناء القلي. 

6 . عشان البتنجان ميسودش لو بتقطعي بتنجان للمسقعة او بتقوري بتنجان للمحشي .. 

الفترة ما بين تجهيز البتنجان و طبخه او حشوه .. انقعية في ماية مدوب فيها معلقة ملح كبيرة. 

7 . لو عاوزة اللحمة تستوي بسرعة في السلق حطي في ماية السلق معلقة خل او ملعقة سكر صغيرة. 

8 . لو ضاربة في الخلاط عصير بيسيب رواسب زي الفراولة🍓 ومش عارفة تنضفيها .. هتجيبي الخلاط و تملى نصة مايه .. و تحطي نقطتين سائل غسيل الصحون وتديها ضربتين تلاتة كده بالكهربا ..

وبعدين خدي الخلاط اغسلية هتلاقيه هينضف بسهوله 🙌

9. لو عايزه تعرفى البيكنج بودر كويس ولا لا ... رشى شويه منه على مايه سخنه لو عمل فوران يبقى كويس لو لا ارميه على طول 🙌

مواضيع تهمك ❤️

علاج مشكلة الملح الزائد في الأكل 

حلول لمشكلات مطبخك 

10. اوعى تسمعى كلام اللى يقولك .

ضيفى ربع معلقه صغيره خل او ليمون لزيت القلى ...

الاكل مش هيشرب زيت خطر جدا وعن تجربة الزيت هيفرقع في وشك اوعى تعمليها 🙌

11. لو الملح زاد فى الاكل ..ضيفى قطعه بطاطس او تفاح وشيليها عند التقديم بيقلل الملح باذن الله 🙌🙌

12. عند سلق الخضار السوتيه ضيفى معلقه سكر وبلاش ملح خالص بيخلى الخضار لونه ميغيرش وياريت متغطيش الاناء الى بتسوى فيه🙌

13. لو الرز شاط منك شيليه فى حله تانيه على طول وضيفى عليه مكعب بطاطس او على الوش رغيف عيش بيقلل من ريحه الشياط باذن الله🙌

14. لو بتسلقى مكرونه اعمليها وصفيها ورجعيها الحله تانى وضيفي لها معلقه زبده او زيت ذره ورشة بصل بودر والتوم بودر ورشة زعتر بس اهم حاجة تكونى مجهزة الصلصة بجد بتفرق فى الطعم خالص🙌

15. لتعزيز نكهه البهارات حمصيها على النار شويه قبل الطحن هتفرق 🙌

16. ضيفى شويه خل على صابون الاطباق وشوفى اللمعان وانسى اى ريحه. زفاره فى المواعين 🙌

17. اغسلى الفلتر بتاع المكنسه بمنعم الغسيل ...وانتى بتكنسى هيغير ريحه البيت🙌

18. لو بتعملى كيك 🍰.. او عجة .🍲.

او اي اكلة في صنيه و حابة انك تقطعيها او تخرجيها ولازقة .. هتجيبي فوطة مبلولة بماية سخنه .. 

و تفرديها على الرخامة و تحطي فوقيها الصنية الي فيها الاكل الملتصق وتغطى الصينية .

.. و استني دقايق و جربي هتلاقي الاكل خرج معاكي بسهولة، او تسخنى الصينيه  الاول قبل ما اتحطى فيها الاكل.

نصائح لتنظيف الستائر والشنط البيضاء 

مطبخك

19. لو مش بتعرفى تشيلى البرقع من الستارة نفضى التراب اللى عليها اعملى خلطه فى بخاخه مكونه من خل ومايه و مسحوق و منعم ورشى عليها وامسحيها بفوطه وسبيها تنشف وشوفى الريحه والزهزه🙌

20. لو عندك حاجه عليها حبر متغسيليهاش هاتى قطعه قماش عليها كحول ابيض من الصيدليه وحطيها فوق البقعه من غير ماتدعكيها وباذن الله تروح

21. لتنضيف الشنط البيضه الى باظت من العبايه امسحيها بقطعه قطن بالاسيتون

22. قبل ما تبشري الجبنة بالمبشرة امسحى المبشره بالزيت الجبنه مش هتلزق وهتتبشر بسهوله. 

متنسيش تسيبي تعليق تحت الموضوع وتضغطي علي كلمة اشتراك وتشتركي في المدونة علشان يوصلك كل جديد 

اقرأ ايضاً 
اسرار الكيك الإسفنجي

شاهد صورة زفاف رضوى الشربيني مع طليقها وصور طليقها مع طفلتيه وعائلته

اعرف ازاي ابتدت قصة حب احمد حلمي ومني زكي

تعرف علي فارق السن بين ياسمين صبري وخطيبها ابو هشيمة وسعر خاتم الخطوبة