التسميات
مرسلة بواسطة

جددي مطبخك وكأنه جديد ب 100ج بس

المطبخ بعد التجديد

جددي مطبخك بدون تكاليف

كل فترة البيت بيكون محتاج تجديد، وخصوصاً مطبخك وهو مملكتك لأنه المكان اللي بتقضي فيه يومك كله تقريباً، وعشان كدا لازم كل فترة تجددي فيه عشان تحبيه وتقدري تتأقلمي عليه، ومدونة حاجات وكلام بنات ختقولك ازاي تجددي مطبخك كأنه جديد ب 100ج بس

 الصورة دي مطبخي قبل التجديد 
المطبخ قبل التجديد

المطبخ بعد التجديد

المطبخ بعد التجديد

هتجيبي لاكيه ابيض من عند بتاع البويات وفي عنده الوان سكيب كل الألوان اختاري اللون اللي عايز تعمليه وجيبي اللون ودرجي براحتك
هتجيبي فرشه بياضه من عنده برضو ب٣.٥ والايه النص ب٢٥ وفي الكيلو ب٥٠
هتدهني اول وش وتسيبي ينشف خالص انا شغلت المراوح عليه طول الليل وفتحي الشباك عشان ينجز في النشفان
واديله وش تاني هيظهرلك اللون اكتر ولو في حته ماتظبطتش اول مره هتتظبط في التانيه
الخطوه المهمه والاساسيه اللي من غيرها ماضمنلكيش انه يعيش
تجيبي ورنيش مائي من عند الراجل برضو  هتلاقي لونه ابيض كده هتخففيف بشويه تنر او جاز
وتدهني بيه كل الدولاب كويس جداااا
وشين تلاته قشطه يعني وده بينشف بسرعه اهم حاجه انك ماتدهنهوش غير لما ينشف خاااالص
ده هيحافظلك عليه من اي حاجه وهيعمل طبقه عازله عن المايه وماتخفيش هو لونه ابيض بس لما ينشف بيبقى شفاف
الموضوع مكلفنيش ١٠٠ جنيه غيرت مطبخي بالكامل

المطبخ بعد التجديد

طقم البهارات بعد الدهان


وعلى فكره طقم التوابل الصيني والزجاج  والتوزيع كل ده انا مبيضاه عشان يليق
بس كده واي استفسار تحت امركم
اخر نصيحه
اتجنني واعملي اللي نفسك فيه في بيتك اخرجي عن التقليدي لان الروتين بيجيب ملل ممكن بحاجات بسيطه جداااا تخلي شقتك جديده
تعديل

التسميات:

تعليقات

إرسال تعليق

المشاركات الشائعة