مدونة حاجات بنات هي وجهتك الاولى دائما يا سيدتى لمعرفة كل شئ يتعلق بمجلات المراة لمختلف الاعمار, ستجدين كل مايخصك من جمال, صحة, موضة, امومة, طفولة, علاقات اسرية, مطبخ, البيت ....الخ, و كل هذا وفق معلومات و دراسات علمية موثقة.
ستتابعين كل هذا خطوة بخطوة بالصور و الفيديو.
طبعاً فترة الخطوبة دي من احلى الفترات في حياة البنت اللي بتكون منتظرة منك تخرجها وتفسحها وتدلعها، بس دا طبعا امر مكلف جدا بالنسبة للولد، لأن خروجة يعني مواصلات وغدا وشيكولاته او ورد او بلونه او كلهم ومصاريف تانيه في النص عشان تبان جنتل مان وكريم، وكل دي طبعاً حاجات هتخليه عاوز يخلع من الخروجات، بس ازاي يخلع بطريقة مقنعة ويبان محترم ورجوله وكمان يجي يشوفك عندكم وبدل مانتي اللي تكلفيه هو اللي يكلفكم غدا وحلو ومشاريب واحلى استقبال، مدونة حاجات وكلام بنات جمعتلك اكتر 5 ردود مقنعة بيستخدمها الخطيب عشان يخلع من الخروجات ويبان رجولة ومحترم في نفس الوقت
1. بخاف عليكي من كلام الناس
انا بخاف عليكي من نظرة الناس ليكي وانتي ماشيه معايا، انا ولد وعارف تفكير الولاد في البنت اللي بتخرج مع ولد لوحدهم وعشان كدا انا محبش نخرج لوحدنا فترة الخطوبة الا لو كان لحاجة طارئة جداً او قبل الفرح بأيام بسيطة بعد مانكتب الكتاب، (ودا بقى ابليس سقفله)
2. اللي مرضاهوش لاختي مرضاهوش ليكي
انا احب ما عليا نخرج ونتفسح ونبقى لوحدنا بعيد عن اهلك وناخد راحتنا بس اللي مرضاهوش لاختي مرضاهوش ليكي، انتي بنت والبنت سيرة، انا لو مش راجل ومش محترم ومش براعي ربنا فيكي او بتسلى انا كنت خرجت معاكي كل يوم ولا همني كلام الناس ولا شكلك قدامهم، لكن افرضي انا الصبح متت ياستي ومحصلش نصيب يتقفل علينا باب واحد، الناس والجيران هينسوا انك كنتي بتخرجي كل يوم مع خطيبك اللي في الاخر متجوزتوش، صدقيني انا بعمل كدا على عيني بس عشان بحبك بجد ومش بتسلى بيكي (دا بقى لعيب والشيطان بياخد عنده دروس خصوصية)
3. ابوكي هيبعت معانا حد من اخواتك واحنا مش هنكون براحتنا
يووووه بقى ابوكي هيبعت معانا اخوكي ولا اختك وطول الخروجه مش هغرف اتكلم معاكي كلمتين وبره زي جوه انا مش خارج في حته طلاما هتجيبوا معانا حد. (دا بقى حمار كبير وواخدها عافيه)
4. ابوكي هيبعت معانا اخوكي الصغير وانا مبعرفش اخد بالي على حد
بصي انا طبعا نفسي اخرجك والففك الدنيا ومعنديش مشكلة خالص ان يبقى معانا حد من أهلك دا حقهم انهم يحافظوا عليكي حتى من اقرب الناس ليكي ولو اني اخاف عليكي اكتر منهم، بس المشكلة ان اخوكي صغير مسؤولية ممكن يجري ناحية عربية منلحقهوش مياخدش باله في المواصلات، بصراحة انا بخاف اشيل مسؤولية عيال صغيرة، بلاش احسن الخروجة دي وهانت كلها كام شهر ونتجوز ونخرج براحتنا (يواد يادبلوماسي ثبتها ولا اجدع چل)
5. اهلك هيقلقوا عليكي وانتي معايا لوحدنا
نخرج مع بعض يااااه دا حلم يابنتي بس المشكلة ان اهلك هيكونوا قلقانين عليكي معايا واحنا لوحدنا وهيتصلوا بيكي كتير وهيستعجلوكي ترجعي ومش هننبسط، خلينا بعد الجواز هانت كلها كام شهر وانا هلففك الدنيا ونبقى براحتنا ومحدش هيقلق ولا هيسأل
وازاي يشوفك براحته من غير ما يتكلف ولا جنيه؟
هتلاقيه بيتصل بباكي وياكل عقله بكلمتين، وحشتني ياعمي ونفسي اشوفك والله، ابوكي طبعا هيقوله وانت كمان واحشني طب ماتيجي يابني هيلزق ف الكلمة ويقوله انا جاي وهيجي وياخد واجبه وغدا وحلو واحلى استقبال وهيقعد ويبلط اليوم كله من غير مايصرف ولا جنيه وطبعاً مش محتاجه اقولك ان النوع دا من الرجالة بعد الجواز هيكون معفن متواكل وهيستغلك انتي وأهلك.
تعليقات
إرسال تعليق