اصنعي دولاب الخزين لمطبخك من اقفاص الفاكهة بأقل تكلفة
 |
| اصنعي دولاب الخزين من اقفاص الفاكهة |
دولاب خزين المطبخ
مطبخك مملكتك مقولة شائعة بين كل السيدات، ومؤمنات بيها جداً وعايشنها لإنها بتقضي اكتر من نصف يومها في المطبخ الأمر اللي بيخليها نفسها تشوف مطبخها دايماً شكله جميل ومرتب ومنظم، ومفيش اكتر دلوقتي من ديكورات تزيين المطابخ ودولاب الخزين والتربو بأشكال وألوان وخامات مختلفة، لكن تبقى المشكلة في ارتفاع اسعار مستلزمات المطبخ وعلشان كدا مدونة حاجات وكلام بنات جبتلك الطريقة اللي هتعملي بيها دولاب لمطبخك شكله جميل وينفع دولاب خزين تحطي فيه السكر والزيت والمكرونة وعلب البهارات والتوابل ومش هيكلفك اكتر من 50ج
اصنعي دولاب خزين لمطبخك من اقفاص الفاكهة
المكونات
4 صناديق فاكهة خشب من عند الفكهاني الواحد ب ٥ جنيه او اقل
مشمع او لفة مفارش دواليب الشكل اللي يعجبك المتر ب١٠ جنيه تقريباً من محلات ادوات المطبخ او فى الاسواق لو عندكم سوق جمعه او تلاتز
حبال رفيعة
مسدس شمع ومسامير كبس من المكتبة
الطريقة
هتحطي الاقفاص فوق بعض وتربطي كل قفص في اللي بعده بالاحبال الرفيعة وتثبتيهم بالشمع زي كدا 👇
 |
| اقفاص فاكهة فارغة |
لحد مانعمل دولاب هيكون شكله كدا 👇
 |
| اقفاص فاكهة فارغة |
هنغطي الدولا بالمشمع او المفارش وهنثبتهم بالشمع ودبابيس المكتب وهيبقي شكله كدا 👇
ودا هيكون الشكل النهائي للدولاب 👇
تعليقات
إرسال تعليق