ازاي توقع بنت ف حبك وتدمنك 😉 How to make a girl love you
 |
| ازاي توقع بنت في حبك |
طبعاً انا مش محتاجه اقولك انهم كائنات طيبه جدا وتضحك عليهم بباكو لبان، طبعاً لكل قاعدة شواذ ملناش دعوة بيهم، خلينا في المهم ازاي تخليها تحبك.
الاهتمامات المشتركة واوجه الشبهه
البنت بتحب الراجل اللي شبهها وتحس ان فيهم حاجات كتير مشتركة، بين لها انك بتحب نفس الأكلات ونفس الهوايات ونفس الأماكن ونفس الفصول الموسمية، يعني بلاش تقولها انك مبتحبش الاكل المشطشط وهي بتحبه، أو أنك بتحب الهدوووء وهي مجنونه ورغاية وشعنونة ومزعجة، بلاش تقولها بحب الصيف وهي بتكرهه..
طب تعرف ازاي هي بتحب ايه؟
من واحدة صحبتها، من اكونت الفيس بوك بتاعها، وبالذات الفيس دا، تعرف منه عنها اللي امها معرفهوش، هتلاقيها كتبت مثلا انها اتفرجت على فلم اتفرج عليه واحكي معاها عن أحداثه، لو كتبت انها بتحب القراءة او قرأت كتاب معين اقراه برضو وناقشها فيه، اسمع قدامها نفس الاغاني اللي هي بتحبها.
ضحكها
البنت بتحب جدا الراجل اللي دمه خفيف وبتضحك معاه من قلبها، متبقاش طوبة ورخم ودمك يلطش، اول حاجه بتخطف البنت هي خفة الدم، بس بذكاء وحاول تبان طبيعي عشان متبقاش مهزأ لاموأخذة يعني 😅
أوفى بكل وعودك
البنت بتحب جدا الراجل اللي بيحترم كلمته، ومش بيقول كلمة غير وهو واثق منها، وبتكره جدااا الراجل الفتاااي اللي بيقول كلام كتير غلط عشان يبان فاهم وهو اصلا حمار بتشوفه فعلا جسم راجل برأس حمار.
خليك عميق وتفكيرك أعلى من تفكيرها
البنت بتستحقر جدا الراجل الاجوف، اللي تحس ان مخه فاااضي وكلامه مش منطقي وتفكيره سطحي، حاول تكون مثقف قدر الإمكان او ع الاقل عندك ثقافة عامه، ولو لقيت تفكيرك محدود بالنسبالها من فضلك انسحب لأن الفجوة الفكرية اللي بينكم دي هتنهي العلاقة عاجلاً او اجلاً.
متتحكمش فيها
البنت بتحب اللي يخاف عليها لكن حذاااري يوصلها انك بتتحكم فيها مش خوف عليها، وخاصة البنت المتعلمة تعليم عالي بيكون ليها شخصية وتحب انك تحترم شخصيتها ومتتحكمش فيها.
الاهتمام
البنت بتحب الاهتمام، بيبان في سؤالك دايماً عليها، خد بالك من لبسها وأبدى اعجابك بيه، اعرف التواريخ المهمة بالنسبالها، تاريخ ميلادها، سنة تخرجها، الكتاب اللي بتحب تقرالهم، هتعرف انك مهتم لما تكون عارف عنها أدق تفاصيلها، اللون اللي بتحبه، الأغنية اللي بتحبها، هاديها بهدايا رمزية زي شيكولاته وورد او كتاب ورواية لو بتحب القراءة، لو رايحة مشوار اهتم تطمن عليها لما توصل، ولو تعبانه كلمها دايما اطمن على حالتها.
بين لها خوفك عليها وحسسها بالأمان
البنت في كل مراحلها بتحب تكون مطمنه وبتدور طول عمرها على الأمان، لما تكون ماشيه معاك ف الشارع مثلا لازم تحس انك عينك عليها وعينك صقر واخد بالك ان محدش بيبص عليها او بيعاكسها وهي معاك، مش قادرة اوصفلك فرحتها في اللحظة دي متبقاش ماشي قدامها بمتر ولا وراها بمترين ودا عمال يبصلها ودا بينده عليها وانت جموسه ماشيه ع الارض ولا واخد بالك ولا واخد اي موقف ولا واخد اي حاجه خالص.
قولها دايما متخافيش، اطمني، متقلقيش، انا جمبك، انا هساعدك، انا هتصرف الكلمات دي كتر منها واعمل بيها فعلا مش كلام وبس، ومش قادرة اوصفلك هتحبك أد ايه، وهتحس انك سند تقدر تتسند عليه.
خليك مسؤول
البنت مبتحبش الراجل الخيبة اللي مبيعرفش يعمل حاجه ولو جرب بيبوظها، بتحب الراجل اللي بيعرف يتصرف وبيقدر يسد في اي موقف وتعرف تعتمد عليه، يارب تكون فاهم قصدي.
متمدحهاش كتير في البداية كدا
حاول تبعد في الأول عن الحاجات اللي ممكن تخليها تتكسف منك فتتجنبك لأنك بتحرجها ومش عارفه ترد، إضافة ان المدح الأوفر ليها ممكن يحسسها انك كداب، وبتغني عليها، بلاش منه ف الاول دا، هو مهم بعد الخطوبة والجواز وابقي تف ف وشي لو مدحتها بعد الخطوبة او الجواز اصلاً.
عبر لها عن فرحتك وانت بتكلمها
البنت بتفرح اوي لما تقولها انا ببقى مبسوط لما اسمع صوتك، وبحب اتكلم معاكي، ودي من الحاجات اللي هتخليها عاوزه تكلمك تاني.
البنت مبتحبش الراجل اللي بيتكسف خليك جرئ
بتتكسف يا توتو طب سيبتلها ايه، البنت مبتحبش اللي يتكسف يطلب حقه، أو يرد على اللي يهينه او ياخد موقف في الأحداث، البنت بتحب الولد الجرئ اللي مبيسبش حقه وبياخده برجولة وأدب بس متبقاش غبي وتبين لها انك بلطجي خليك شاطر كدا بين البينين ولا سلبي ولا بلطجي، يارب نفهم.
اتقل بذكاء
في واحد حمار بيجي يكحلها يعميها يحاول يتقل يوصلها انه متكبر عليها او انه بيقلل منها، دا حمار ملناش دعوة بيه
تتقل ازاي بذكاء
حسسها انك مش فاضي وان رغم انشغالك بتكلمها يعني تكلمها مرتين او تلات مرات ف اليوم بس ياخدوا حقهم، ومتكترش عن كدا عشان متبقاش مزعج وتعرفها وانت بتكلمها بطريقة لطيفه انك طول اليوم مشغول وبيبقي نفسك تكلمها بس غصب عنك مبتقدرش
اوعي تطنشها لما ترن عليك
كنسل عليها وابعتلها مسدج مش هعرف ارد عليكي دلوقتي انا ف الشغل، هكلمك اول ماقدر واوعى تنسى لتبقى ليلتك طين.
متبقاش مزعج
متتصلش بيها كتير، حاول يكون في مواعيد محددة بتكلمها فيها ومش ازيد من تلات مرات ف اليوم، ولو اضطريت اكتر من كدا يكون لسبب قوي ومهم، متخليهاش تحس انك معطلها وعاملها ازعاج ومشقلب يومها، متبقاش مزعج الله يكرمك أرسى كدا وخليك حلو.
اهم حاجة
وفي النهاية في حاجه مهمة اوي اهم من كل اللي فات، لازم متتصنعش اي حاجه البنت بتحب دا اه بس متخدعهاش، متبنش ان فيك حاجات مش فيك، وحاجات مش فيك تبين لها انها فيك، خليك على طبيعتك قدر المستطاع عشان اللي بيبني على كدب بيقع في النهاية ودي حياة يابن الناس ومستقبل ابنيه على الصراحة والاحترام عشان تكملوا مع بعض للاخر ان شاء الله 🙂
How to make a girl love you
Show her your interest.
The girl knows that you are interested when you care about her small details, her favorite color, her date of birth, what she likes and what she hates, and the best series or movie or novel or book for her, and all this information you can know from her close friend or her personal account on Facebook
Keep your promises to her.
The girl loves a man who keeps his promises, so she doesn't say a word unless you trust her and don't promise her anything unless you're sure you can do it.
She laughed.
The girl loves the person who makes her laugh and be funny and light,because the girl loves this
I give her symbolic gifts.
Like chocolates, roses, balloons and books, all these symbolic gifts make her so happy.
Call her on a daily basis.
But no more than two or three phone calls at most so you don't feel like a annoying person and waste time.
Include it in your mind.
The girl loves the man who includes her in his mind, she loves an educated man who speaks wisely and logically and has the power to convince her.
Express your joy to her by talking to her.
A girl is happy when you tell her you're happy to talk to her and miss her voice.
Make her feel safe.
The girl loves the man who makes her feel safe and rest assured while he is with her, more than words of reassurance, I am beside you, I will take care of it, don't worry, don't grieve, I can't describe her happiness in these moments.
تعليقات
إرسال تعليق