طرق وقاية الطفل من نزلات البرد في فصل الشتاء وداعاً لإصابة طفلك بالبرد في فصل الشتاء
 |
| وقاية الطفل من نزلات البرد |
مع دخول فصل الشتاء بتعاني الأمهات حديثة الولادة بسبب تعرض الطفل رنخحلنزلات البرد المتكررة نتيجة ضعف مناعة الطفل، وتعرضه لدرجات حرارة مختلفة نتيجة خروجة من المنزل مع الأبوين لأي اسباب طارئة، وخاصة الأمهات العاملات اللي بيودوا أطفالهم حضانة وطبعا نزلات البرد المتكررة غلط جدا على الطفل في السن دا، وعشان كدا مدونة حاجات وكلام بنات جبتلك الحلول السحرية اللي هتساعدك في وقاية طفلك من نزلات البرد في فصل الشتا
طرق وقاية الطفل من نزلات البرد في فصل الشتاء
- لما تيجي تلبسي الطفل حطيله باڨته تحت الهدوم على الجسم مباشرة وفوقها تلات طبقات من الملابس الداخلية، ثم باڨته فوق الغيارات الداخلية وتحت الطبقة الخارجية.
هقولك ليه: طبعاً الأطفال في السن دا بيريلوا كتير جدا وبيوقعوا مايه أثناء الشرب وبيرجعوا جزء من اللبن بعد الرضاعة، ومهم جدا أن البلل دا ميوصلش لصدر الطفل وبالتالي فإن الباڨته اللي تحت الغيار الخارجي هتمنع جزء كبير من البلل انه يوصل الطبقات اللي بعد كدا من الهدوم، والباڨته اللي تحت الغيارات الداخلية هتحافظ على حرارة الصدر من اي هو يضرب في صدر الطفل عند خروجه لمصدر هوا مباشر.
 |
| كريم جاراميسين للوقاية من نزلات البرد |
2. كريم جرامايسين، دا كريم مضاد حيوي هتحطي جزء من الكريم على طرف صباعك وتحطيه داخل فتحتين أنف الطفل وتضغطي على فتحتين الأنف علشان تخرجي الزيادة عشان يعرف يتنفس، طيب ايه فايدة الموضوع دا
الكريم دا مضاد حيوي هيقتل اي ميكروب يحاول يدخل للطفل عن طريق الجهاز التنفسي، عشان لو حد كح او عطس في وشه، إضافة ان في ميكروبات في الجو بسبب اختلاق درجات الحرارة مش بنشوفها بالعين، الكريم دا هيعمل نفس عمل الجهاز المناعي هيقتل اي مكروب قبل مايدخل للجهاز التنفسي للطفل.
هتحطيه مرتين يومياً مره صباحا ومره بعد المغرب
لو عملتي الحاجتين دول هتلاقي الطفل بدل ما كان بيبرد كل أسبوع، هيبرد كل شهرين تلاته ويمكن ميبردش خلال فصل الشتا كله غير مره وادعيلي
والكريم دا هتستمري عليه صيف شتا هو وقاية للطفل وادعيلي 😉
متنسيش بقى تشتركي في المدونة عشان يوصلك كل الموضوعات اللي هتنزلها المدونة بعد كدا 🤗
تعليقات
إرسال تعليق