تتعاملي ازاي في أول زيارة لاهل خطيبك
 |
| اول زيارة لاهل خطيبك |
انتي لما بتكوني مخطوبة جديد بتبقى مش عارفه تتعاملي ازاي مع اهل خطيبك وبتخافي ياخدوا عنك فكرة غلط وعاوزة تبني بينكم علاقة حب وارتياح وبتكوني خايفة جداً في أول زيارة ومش عارفة تتعاملي ازاي
طقم جديد
وانتي رايحة زيارة لأهل خطيبك اول مرة لازم تكوني لابسة لبس شيك وياريت لو يكون جديد عشان تلفتي انتباههم وياخدوا عنك انطباع انك شيك ونضيفة.اندهيلها ماما وسلمي بحرارة
وانتي بتسلمي على ام خطيبك احضنيها وقوليلها ازيك يا ماما مش طنط، التصرف دا هيقرب المسافات بينكم جدا وهيخليها ترتاحلك اوي وتحبك.هدية لأم خطيبك
خدي معاكي هدية رمزية لام خطيبك مثلا ازازة برفان او بوك شيك كدا ولفيه لفة هدايا حلوة واديلها الهدية بطريقة شيك وكلام حلو وقوليلها كنت أتمنى اجبلك الدنيا كلها بس دي حاجة بسيطة عشان تفتكريني بيها هتفرح بيها وتقول عليكي ذوق وبتفهمي.قومي خدي منها العصير
وهي داخله عليكم بالعصير قومي من مكانك وخدي منها وقدميه للي قاعدين، هتقول عليكي ست بيت شاطرة وبتفهمي.اعرضي عليها المساعدة في تجهيز السفرة لو معزومين ع الغدا
لو كنتوا معزومين على الغدا اعرضي عليها تدخلي معاها المطبخ وترصي معاها الاكل على السفرة، بس متعمليش حاجه من نفسك تسأليها اساعدك في ايه واللي تقولك عليه اعمليه عشان متقولش عليكي متطفلة.
تعليقات
إرسال تعليق