التغذية في فترة الرضاعة Proper nutrition during lactation
 |
| الرضاعة الطبيعية |
التغذية في فترة الرضاعة الطبيعية
طبعا من اهم الفترات ف حياة اى ام واهم اهم الفترات ف حياة البيبي عشان كده مهم اوى نعيش الفترة دى بطريقة صحيه 🌸💪
الرضاعة الطبيعيةمبدئيا جسمك ف الفترة دى بيقوم بوظيفه مهمه جدا وهى انتاج اللبن مش تخزينه وعشان كده اولا بيفقد معادن وعناصر غذاءية مهمه لازم نعوضها بتغذية صحية ❤️👍🏻
ثانيا بيحرق من ٢٠٠ ال ٥٠٠ سعر حرارى
يعنى لو هدفك تخسي فالرضاعة هتساعد جدا 💪
ولو مش هدفك تخسي فلازم برده نمشي ع نظام غذائى يكفى احتياجات الجسم لإنتاج اللبن ويعوض النقص في الفيتامينات اللى بيحصل عندك
هنجمع المعلومات دى ف كام نقطه مهمه ❤️👍🏻👍🏻
١- أكل صحى يعنى وجبات متكامله العناصر يعنى كل وجبه فيها بروتين (لبن، بيض، زبادى، فراخ، لحوم، أسماك، بقوليات)
وكربوهيدرات يفضّل من النوع المعقد الغنى بالألياف الموجودة في (العيش الأسمر، عيش كامل الحبه، مكرونه شوفان، بليلة، بطاطس)
ودهون صحيه الموجودة في (زيت زيتون، زبده بلدى، زيت دره، زيت عباد الشمس )
٢- نبعد عن الحاجات دى تماما او ع الأقل نقلل منها قدر المستطاع لانها من اكتر الحاجات الضاره بجسمنا وصحتنا
أخطرهم الزيوت المهدرجة زى السمن النباتى
وزيت النخيل وكمان اللحوم المصنعة زى اللانشون والسجق
٣- الخضار والفاكهة مهمين جدا جدا سواء فريش او مطبوخ
مانقلش عن خمس حصص ف اليوم
ألحصه يعنى حبه متوسطه او نص كوب مطبوخ
ومنتجات الألبان مايقلش عن حصتين يوميا
🍎🥬🥒🥭🍇🥦🍐
٤- المياه مهمه جدا جدا مانقلش عن ٢.٥ لتر ف اليوم💦💧💦💧
٥- زى ماقولت جسمك بيكون لبن من الاكل اللى بتاخديه
نبعد عن الاكل الحار والمشروبات الغازيه والسكريات الكتييير والمقليات وأطعمه تسبب غازات زى الكرومب والمشروبات المنبهه زى القهوة والنسكافيه
الحاجات دى بتسبب للبيبي (مغص..غازات..توتر..قلق..إضرابات نوم)
٦- مهم الام تاخد فيتامينات زى فيتامين D وكالسيوم وأفضل كبسولات تحتوي على الفيتامينات المهمة للعظام في دوا اسمه كالسيترون
٧- بعض الناس الرضاعة بتسبب لهم جوع ونهم للاكل فظيع ودا ممكن يدخلهم ف سمنه للاسف
ناخد بالنا من السعرات المحسوبة لينا ومانعديهاش🌸👍🏻💪
عن تجربة شخصيه اللبن بيزيد جدا مع الاكل الصحى (بروتين..خضار..مياه)
بكميات مناسبه لجسمنا وهنقدر نحافظ ع وزننا زى ماحابين❤️
ومننساش شرب الحلبة الحلبة الحلبة مدرة جداً للبن الأم.
متنسيش تشتركي في المدونة عشان يوصلك كل الموضوعات الجديدة اللي ختنزلها المدونة 😉
Proper nutrition during lactation
And an ad for healthy eating
Each meal should contain complete ingredients and it is important that the meal contains protein, carbohydrates and healthy fats such as corn oil
Stay away from hydrogenated olives and processed meats
You should drink large amounts of water at least two liters a day
Vitamins should be taken in capsules
Vegetables and fruits should be eaten too much
Stay away from spicy food, carbonated water, sugars, nescafe and coffee
And you must stay away from stress, sadness and crying.
تعليقات
إرسال تعليق