اعرفي ايجابيات وسلبيات طرق إزالة الشعر المختلفة الشفرة والسويت والشمع وكازانوفا وماكينة براون والليزر
 |
| اعرف كل شئ عن إزالة شعر الجسم بالسويت |
ما هي طرق إزالة الشعر
السويت
الشفرة (ماكينة الحلاقة)الشمع
ماكينة براون
الليزر
مزيل الشعر كازانوفا السعودي الأصلي
خلينا ناخذهم واحد واحد ونعرف ايجابيات وسلبيات كل طريقة.
السويت
وهي إزالة الشعر بالحلاوة وهي عبارة عن سكر ولمون ومتوفر جاهزة في الصيدليات ومحلات المنظفات وهي من اكتر الطرق فاعلية في الإزالة وأقدم الطرق، لأنها بتزيل الشعر من جذورهايجابياتها
بتشيل الشعر من جذوره، بتنعم وبتفتح المنطقة المستخدمة فيها، بتأخر ظهور الشعر، بتشيل طبقة الجلد الميته مع تكرار الاستخدام فبيدي للجلد لمعةسلبياتها
صعبة التحكم فيها، كتير من البنات معندهاش خبرة لاستخدامها، ومؤلمة الي حد ما عن الأنواع الأخرى، وبتاخد وقت طويل.التجربة: يُنصح بها
الشفرة (ماكينة الحلاقة)
 |
| اعرف كل شئ عن إزالة شعر الجسم بشفرة الحلاقة |
إزالة الشعر بدون ألم
موجود منها دلوقتي شفرات حريمي متختلفش كتير عن الرجالي بس بتكون حنينة على الجلد اكترمميزاتها
هي من أسهل الطرق استخدام وأسرعها.عيوبها
بتقصف الشعرايه مش بتشيلها من جذرها، وبالتالي الشعر بيطلع بعد تلات ايام مش بتديكي نتيجة طويلة المدة زي السويت، الشعرية بتطلع اتخن واكتر سماكة زي شعر ذقن الرجل، الجلد بيفقد نعومته ولمعانه ومع تكرار الاستخدام لونه بيغمق، وأحياناً الشعر بيطلع تحت الجلد.التجربة: يُنصح بها في خالات الطوارئ فقط، ولا ينصح باستخدامها بشكل مستمر.
مزيل الشعر كازانوفا
أسهل طريقة لإزالة الشعر
هو عبارة عن سبراي بترجع جيدا قبل الاستخدام وبيترش ع المنطقة المراد إزالة الشعر منها الماده اللي بتطلع دي مادة كاوية بتشيط الشعراية فتتساقط بتديلك نفس نتيجة الشفرةايجابياتها
سريعة الاستخدام، إزالة الشعر من المنطقة مش هتاخد اكتر من 10 دقايق ومش هتاخد مجهود.سلبياتها
بتشيط الجزء الخارجي من الشعراية، مش بتشيل الشعر من جذوره، بتحرق الجلد لأنها مادة كاوية وبالتالي بتؤدي لإسمرار المنطقة وهتلاحظيها من المرة الأولى، بعد إزالة الشعر المنطقة بتكون خشنة مش ناعمة، الشعر بيطلع بعد فترة صغيرة
التجربة: لا يُنصح بها على الإطلاق
إزالة الشعر بماكينة براون
اسرع طريقة لإزالة الشعر
ايجابياتها
سهلة الاستخدام، تعتبر من الطرق السريعة، عملية جدا للطوارئ وبشكل عام لا غنى عنها، الشعر بيطلع بعد فترة طويلة زي السويت عكس الشفرة وكازانوفا.سلبياتها
سعر الماكينة مكلف، مش بتشيل الجلد الميت، مؤلمة نوعاً ما عن الأنواع الأخرى، يفضلها البعض في الأيدي والارجل، اما البابطين والمناطق الحساسة فهي مؤلمة ألم لا يحتملالتجربة: يُنصح كل بنت بإقتنائها لأنها عملية جدا
إزالة الشعر بجهاز الشمع الواكس
 |
| اعرف كل شئ عن إزالة شعر الجسم بالشمع |
أحدث طريق إزالة الشعر
تجربة الشمع لا تختلف كثيراً عن السويت
ايجابياتها
بتشيل الشعر من جذوره، بتفتح الجلد، الشعر بينكو بعد فترة طويلة زي السويتسلبياتها
عديمات الخبرة ممكن يحرقوا جلدهم، صعبة الاستخدام في حالة انعدام الخبرة، مكلفة نوعاً لأنك هتشتري الشمع والورق دا لو عندك الجهاز.التجربة: يُنصح بها للي عندهم خبرة في استخدامها.
إزالة الشعر بالليزر
 |
| إزالة شعر الجسم بالليزر |
أغلى طرق إزالة الشعر
هي من طرق إزالة الشعر الُمشاع عنها أنها بتقضي على نمو الشعر نهائياً والي الأبد، ودا كلام مش صحيح على الإطلاق لأنها زي اي طريقة ازالة هتستخذمسها طول العمر بس الفرق انك بدل ما بتشيلي الشعر كل شهر بالطرق العادية، هتشيليه بالليزر كل تلات اربع شهور، لكن اللي يقولك بيشيل الشعر نهائياً كداب دي طريقة من طرق التسويق والدعاية مش اكتر
ايجابياتها
لو انتظمت على الجلسات بتديكي نظافة رهيبة للمنطقة اللي شلتي منها الشعر، بتأخر نمو الشعر لمدة تصل لتلات وأربع شهور بحد أقصى خمس او 6 شهور.سلبياتها
مكلفة جدا جدا، مؤلمة جداً، تسبب حروق للجلد، في حالة انك اخذتي جلستين او تلاته ووقفتي هيحصل نتائج عكسية الشعر بيطول اكتر من الطبيعي وبيزيد لو بدأتي مضطرة تكملي ع الاقل من 8 ل 10 جلسات، وهتحتاجي ع الاقل 6 جلسات علشان تبدأي تحسي بنتيجة.التجربة: لا يُنصح بها على الإطلاق
متنسيش تقدري مجهودنا بالضغط على اشتراك في المدونة عشان يوصلك كل موضوعاتنا اللي بعد كدا 🤗😍
وسبيلنا اي استفسار ليكي في تعليق ❤️
تعليقات
إرسال تعليق